മലയാളിയായ നമ്മുടെ ദിവസങ്ങളുടെ തുടക്കം മിക്കവാറുമൊക്കെ ദിനപത്രങ്ങളിലെ വാര്തകളിലൂടെയാണല്ലോ, അഴിമതിയുടെ ആള്രൂപമായി രാജാ എന്ന മന്ത്രിപുങ്കവന് നിറയുമ്പോള് തന്നെ മറുപുറത്ത് അതാ ശ്രീ കെ ജി ബി യും. ബാറുകളിലും ബാര്ബര് ഷോപ്പ് കളിലും സാധാരണക്കാരനായ മലയാളിക്ക് ചര്ച്ച ചെയ്യുവാനുള്ളത് ഇത് മാത്രമായി മാറിയിരിക്കുന്നു. വെറുമൊരു കേസില്ല വക്കീലായ ശ്രീനിജന് എന്ന കോണ്ഗ്രസ് നേതാവ് യൂസഫലി എന്ന കേരളം കണ്ട ഏറ്റവും പ്രയത്നശാലിയായ വ്യക്തിയേക്കാള് വളര്ച്ച പ്രാപിച്ചു അത്രേ, ഞാന് ശ്രീനിജനെ ശ്രീ യൂസഫലിയുമായി താരതമ്യം ചെയ്തത് മറ്റൊന്നും കൊണ്ടല്ല, ഇതില് യൂസഫലി എന്ന വ്യക്തി സ്വന്തം പ്രയത്നത്താല് വ്യവസായ സാമ്രാജ്യങ്ങള് വെട്ടിപിടിച്ചു എങ്കില് ശ്രീനിജന് നേടിയത് അദ്ധേഹത്തിന്റെ അമ്മായിയപ്പന്റെ സ്വാധീനത്തില് നേടിയ കോടികളുടെ കോഴ പണത്തിന്റെ സാമ്രാജ്യമാണ് . റെഡി സഹോധരന്മാരുടെയും അമ്ബാനിമാരുടെയും രാജാ എന്ന മുന്മന്ത്രിയുടെയും, എന്തിനേറെ കേരളത്തിലെ ഒരു ക്രിസ്ത്യന് സഭയുടെ മേലാളന്മാരുടെയും (അഭയ കേസില് നാര്കോ പരിശോധന നിയമ വിരുദ്ധമാണ് എന്ന വിധി പ്രസ്താവിച്ചത് ശ്രീ കെ ജി ബി ആണ്) ഒക്കെ കള്ളപ്പണം കൊണ്ടാണ് ശ്രീനിജന് എന്ന ബൂര്ഷ കോണ്ഗ്രസുകാരന് കേരളം എന്ന കൊച്ചു സംസ്ത്താനത്തില് അങ്ങോളമിങ്ങോളം കോടികളുടെ ആസ്തികള് നേടിയത്.
മുകളില് പറഞ്ഞത് അഴിമതിയുടെ കറപുരണ്ട കഥയാണ് എങ്കില് ഇനി പറയാനുള്ളത് സത്യസന്ധനായ ഒരു മലയാളി പത്രപ്രവര്തകനെ പറ്റിയാണ്. സി എന് എന് - ഐ ബി എന് ഇന്ത്യന് ഓഫ് ദി ഇയര് അവാര്ഡ് നേടിയ ശ്രീ . ഗോപികൃഷ്ണന് എന്ന തലശ്ശേരിക്കാരന്, പയനീര് പത്രത്തിന്റെ ലേഖകനായ ഇദേഹമാണ് 1.77 ലക്ഷം കോടിയുടെ 2 g സ്പെക്ട്രം ആദ്യമായി പുറത്തു കൊണ്ടുവരാന് ധൈര്യം കാണിച്ചത്, മുപ്പതു കൊല്ലത്തെ ശമ്പളം ഒരുമിച്ചു നല്കാമെന്ന പ്രലോഭനത്തിന് മുന്നില് തല കുനിക്കാതെ നിന്ന് സ്പെക്ട്രം അഴിമതിയുടെ പിന്നാമ്പുറ കഥകള് നമ്മിലെക്കെതിച്ചത് ശ്രീ ഗോപികൃഷ്ണന് എന്ന മലയാളിയുടെ തൂലികയാണ്. ഈ ചുരുളുകള് ഓരോന്നായി ഗോപികൃഷ്ണന് നിവര്തുമ്പോഴും അന്നത്തെ സുപ്രിം കോര്ട്ട് ചീഫ് ജസ്റ്റിസ് ആയിരുന്ന ശ്രീ കെ ജി ബി രാജക്കെതിരെ ഒരു ചെറിയ കേസ് പോലും എടുക്കുവാന് തയാറായില്ല. അതിന്റേതായ ഫോരങ്ങളെ സമീപിക്കുവാന് പറഞ്ഞ തള്ളുകയായിരുന്നു കെ ജി ബി യുടെ നടപടി. ഗോപികൃഷ്ണന് പറയുന്നത് ഇങ്ങിനെ " സ്പെക്ട്രം ഇടപാടില് ഇടതു പാര്ട്ടികളും ജലളിത യുമോഴിച്ചു ഒട്ടുമിക്ക രാഷ്ട്രീയ പ്പാര്ട്ടികളും പണം വാങ്ങിയെന്നതാണ് സത്യം.. അഴിമതി നീതി ന്യായ വ്യവസ്ഥയുടെ തലപ്പത് വരെ എത്തി നില്ക്കുന്നു. അഴിമതി സര്വവ്യാപിയാണ് എന്ന സത്യത്തിനു ഈ സംഭവങ്ങള് അടിവരയിടുന്നു. " ശ്രീ കെ ജി ബി അഴിമതിയുടെ ആള്രൂപമായി നമ്മുടെ ദിവസങ്ങളില് നിറയുമ്പോള് നമൂക്കു മലയാളി എന്ന നിലയില് ശ്രീ ഗോപികൃഷ്ണന് എന്ന സത്യസന്ധനായ പത്ര പ്രവര്ത്തകനെ ഓര്ത്തു അഭിമാനിക്കാം.
NB:(ഇതില് ചേര്ത്തിരിക്കുന്ന വീഡിയോ എന്റെ സൃഷ്ടിയല്ല. ഇതിന്റെ ആധികാരികതയും പ്രഭവവസ്ഥാനവും യു ടൂബില് നിക്ഷിപ്തമാണ്.)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ